Tagum City, Davao del Norte – nadakpan sa hiniusang puwersa sa Philippine Drug Enforcement Agency (PDEA) Davao del Norte, Philippine Drug Enforcement Unit-Provincial Intelligence Unit (PDEU-PIU) Davao del Norte ug Tagum City Police Station ang unom ka mga lalaki.
Kini atol sa gipahigayong drug buy-bust operation sa usa ka drug den nga nahimutang sa Purok 29 Barangay Madaum, Tagum City niadtong Huwebes, alas 8:30 sa gabie.
Giila ang mga dinakpan nga sila Michael Albastro, Vincent Albastro, Angelito Alcaide, Angelo Alcaide, Reynante Mejares ug Corazon Samillano. Target sa mga otoridad ang usa ka Ace Robert Chio ug si Samillano, apan nakaikyas si Chio human nga nakamatikod kini nga mga otoridad diay ang nagpadulong sa ilang nahimutangan.
Nasakmit usab sa mga operatiba gikan sa posisyon sa mga dinakpan ang muakabat sa 21 gramos nga gituhuang shabu nga gisulod sa nagkalain-laing pakete nga mikantidad ug ₱ 300,000.
(Source: PDEA XI)