Davao City – Gipangdakop ang unom ka mga indibiduwal human naaktuhan nga nag-tong-its ala una sa sayong kaadlawon sa Purok 2, San Isidro, Barangay Tigatto ning dakbayan sa Dabaw.
Ang mga personahe sa Davao City Police Office (DCPO) Special Operations Group (SOG) ug City Drug Enforcement Unit (CDEU) pagpanguna ni Police Major Reuben Libera nagpahigayon ug anti-illegal gambling operation kung asa naaktuhan ang mga unom ka mga tawo nga nag-tong-its.
Giila ang unom nga sila si Benjie Sumadik 31 anyos, taga Maramag Bukidnon; Lorna Maisog 54 anyos, taga Barangay Tigatto; Dexter Baflor, 34 anyos, construction worker taga Bago Aplaya; Roldan Blanco, 32 anyos, delivery boy nga taga Barangay Tigatto; Leonel Sulevin, 32 anyos taga Barangay Tigatto ug Juvy Gonzalez 31 anyos nga taga Tigatto usab.
Nakompiska gikan sa mga dinakpan ang duha ka mga set sa baraha ug cash ₱ 2, 900.00 nga gigamit isip pusta. Ang mga dinakpan gikatakda’ng pasakaan og kaso’ng kalapasan sa Anti-Illegal Gambling Law.
(Source: DCPO SOG | CDEU)
