Cebu City- Nakatala ang Department of Health kun DOH og unang kompirmadong kaso sa coronavirus disease kun Covid 19 sa probinsiya sa Sugbo.
Sumala pa sa Covid 19 tracker sa DOH, naadmit ang pasyente sa usa ka pribadong tambalanan sa dakbayan sa Mandaue.
Nasayran nga ang pasyente nga usa ka lalaki nag-edad na og 65 ug kini ang ika-88 nga nagpositibo sa virus sa nasod.
Ang uwahing ihap sa gidaghanon sa mga nataptan sa Covid 19 sa nasod hangtod gabii 202 na kay napun-an man og 15 ang unang 187.
Hinuon, ang mga tinugyanan sa panglawas nagsubay pa sa pagka tawo sa pasyente ug kon naa ba kiniy history sa biyahe sa ubang nasod o ubang dapit sa Pilipinas.
Hinuon gitataw sa DOH nga usa kini ka Pinoy ug usa ka propesyonal pero edaran na lang.
Wala pa usab masuta kon taga diin gyod ang tawo nga giadmit sa pribadong ospital sa Mandaue dili layo sa Parkmall.