CCMC Himoong Quarantine Area Sa Mga Madudahang Hitaptan Sa Coronavirus

0
22

Cebu City- Giandam na ang Cebu City Medical Center (CCMC) isip quarantine areaalang sa madudahang hitaptan sa coronavirus disease kun Covid 19.

Sa iyang suwat ngadto sa mga konsehal sa oposisyon nga mihangyo nga himoong quarantine center ang South Road Properties, si Labella miingon nga pinasikad sa standard sa Department of Health (DOH), dili ideal ang SRP sa kwarantina.

Sa kapi, ang dakbayan mitagana sa CCMC para sa suspetsadong mga kaso sa Covid 19 lakip sa PUI kun patient under investigation ug PUM kun persons under monitoring.

Ang CCMC, nga gitukod sukad pa niadtong 2015, mahimo nang gamiton bisag tulo ka andana pa ang nahuman.

Sud sa duha ka semana, ang siyudad mobukas sa CCMC isip quarantine center.

Matod ni Labella, ang pag-establisar sa naasoyng isolation area adunay pagtugot sa DOH subay sa gilatid nga protocols.

Giangkon sa mayor nga ang siyudad unang mihangyo sa usa ka pribadong film company nga nanag-iyag studio sa SRP pagpagamit niini isip quarantine site.

Apan nausab ang hunahuna ni Labella tungod sa giingong isyu sa “structural integrity.”

Leave a Reply