Naragsakan dagiti umili idiay brgy. San Juan ti ili a Pasuquin iti pannakaisayangkat ti Kadiwa Market on Wheels iti lugarda.
Segun ken ni Mrs. Elma Gabriel, mangidadaulo ti Micro Small and Medium Enterprises Office ti gobierno probinsial, naruay dagiti kakailian iti nadakamat a barangay a nangsappuyot iti nasao a programa.
Imbatadna a napalaus ti panagyaman dagiti umili iti pannakapanunut ni Gob. Matthew Marcos Manotoc a maidanon ti Kadiwa kadagiti nadumadumaa a paset ti probinsia nangnangruna kadagiti nasulinek a lugar a kas iti barangayda.
Kunana a binigbig dagiti bumarangay ti dakkél a tulong iti panagturong ti Kadiwa iti lugarda nangnangruna idi kalmanáagsipud ta mannariman a naka-lockdown wenno nakaserra ti tiendaan ti ila Pasuquin.
Inbunannag ni Gabriel a para kadagitumili ket dakkel a banag ti kaadda ti naggatanganda kadagiti masapsapulda iti inaldaw kangrunaanna iti pannakaidanonna agsipud ta saanén a kasapulan nga agpleteda ti nangina ken mabannogda nga agbiahe.
Malaksid iti daytoy, kunana a nagyaman pay dagiti umili gapu ta adayo a nalaklaka ti presyo iti Kadiwa no maidasig kadagiti dadduma a paggatangaan.
Kabayatanna, inpakaammona nga agturongti Kadiwa intono bigat idiay Brgy. Victoria ti ili a Currimao ken sumarsaruno ti Brgy. Nagbacalan ti ili a Paoay iti masungad a lawas.
(Ronald Domingo, RPN DZRL Batac Correspondent)
(Source: Provincial Government of Ilocos Norte)