Inilabas na ng Pentagon ang tatlong “unclassified videos” na makikita ang tila unidentified flying object (UFO) na nakunan ng U.S. Navy pilots.
Ayon sa U.S. Department of Defense, nagdesisyon ang Pentagon na ilabas ang naturang kuha para malinawan ang anomang haka-haka ng publiko kung ang naturang video ba ay totoo o hindi.
Matagal na umano itong kumakalat sa internet ngunit walang inilalabas na pahayag ang kagawaran hinggil dito.
Tiniyak naman umano ng kagawaran na sa pagpapalabas ng video na ito ay wala naman silang nalalabag na anomang sensitibong impormasyon o sistema sa kanilang hanay.
Kuha umano ang naturang video nuong November 2004 at January 2015.