Cagayan de Oro – DUNGAN nga ipahigayon karong adlawa, Lunes, Oktubre 14, 2024 ang payout alang sa kapin libo ka mga benepisyaryo sa programang TUPAD sa DOLE ingon man sa AKAP sa DSWD, kini tanan ubos sa pag panguna sa buhatan ni 1st District Cong. Lordan Suan nga labing maka benepisyo sa katawhan sa distrito uno.
Sigon pa ni 1st District Assistant Director Bert Amplayo, ang mga nasangpit nga libo ka benepisyaryo, sagol ug tanan nag gikan sa mga kabarangayan sa distrito ni Cong. Suan, diin kini sila maoy unang hugna alang karong semanaha, asa kini usab nga mga pang ayudang programa mo lahutay hangtud na sa katapusang bahin niining bulana.
Butyag ni Amplayo nga sa matag higayon niining mga pag pang apud-apud sa ayuda, malauman ang presencya ni Kongresista Suan, kinsa nanghingusog sa pag pangitag pundo sa Kaulohan para ma dala sa iyang distrito aron kahatagan ang katawhan sa alebyo gikan sa nasinate nilang kalisud sa kinabuhi karong panahona, butang nga padayong gi pakigbisogan sa abogadong representante sa unang distrito.