General Santos City – Sigun sa Mines and Geoscience Bureau (MGB) Region 12, hinungdang angay gayud magmat-ngon niini panahon sa ting-ulan.
Sa “Kapehan sa PIA” ning milabay’ng semana, gibutyag ni MGB 12 Supervising Geologist, Vincent G. Gascal, nga peligro nga 3 ka suba gilangkoban sa Siguil River sa Maasim-Sarangani Province, Silway River sa GenSan ug ang Buayan River nga mapalgan sa utlanan nga bahin sa GenSan ug Alabel, Sarangani Province.
Kahibalo-an nga ang Siguil River ug Silway River pulos gayud makusog ang bul-og sa tubig niini gikan sa kabukiran sa South Cotabato, samtang ang Buayan River kusog sab ang daloy sa tubig niini tungod kini ang han-okanan sa daghang mga sapa sa Malungon, Sarangani Province.
Busa, kinahanglan matud pa nga magbantay ang mga residente nga nagpuyo hadu-ol sa naasoy nga mga suba, aron dili mamiligro ang ilang mga kinabuhi, lakip ang ilang mga kabtangan ug kahayopan. (Noel Abelo Jr., photo credits to the owner)