Bukidnon – PATAY ang tulo ka indibidwal ug usa usab ang samdan sa nahitabong disgrasya tali sa usa ka motorsiklo ug usa ka pick up diha sa National Highway of Purok-13 Bangkal, Capinonan, Cabanglasan, Bukidnon.
Ang mga biktima giila nga mao ang magtiayong Nathaniel ug Verlinda ug anak nilang 4anyos nga si Lexine Montellano samtang samdan usab ang pag-umangkon sa magtiayon nga mao ang 12 anyos nga si John Paul diin silang tanan sakay sa usa ka motorsiklo.
Subay sa report nga gikan sa Poblacion, Cabanglasan ug paingon unta ang motorsiklo sa Brgy Aglayan, Malaybalay City dihang gikasugat niini ang Ford Wildtrak. Gibutyag nga human nakalabay sa pakurbadang bahin ang Ford Wildtrak giingong mitipas kini og dalan rason sa panagbangga sa duha ka sakyanan diha sa Brgy. Capinonan.
Giingong gilayon nga mitahan ang driver sa Ford ngadto sa kapulisan human sa maong panghitabo samtang giandam na ang kasong ipasaka batok kaniya.
Written by Cheleste Simene
Photo by Cheleste Simene