Ang kabomberohan nakatala og tulo ka insidente sa sunog ang nahitabo kagahapong adlawa, Enero 25, 2025, nga nakaapekto sa mga residential area sa Lapu-Lapu City ug Mandaue City.
Sa Sitio Seawage, Barangay Pusok, Lapu-Lapu City, unom ka balay ang nasunog. Nadawat ang alarma alas 1:35 sa hapon ug na-fire out kini alas 2:58. Ang sunog gipaubos sa ika-upat nga alarma. Ang hinungdan sa sunog padayon pang giimbestigar sa Bureau of Fire Protection (BFP).
Kapin 50 ka balay ang nasunog sa Sitio Pokang, Barangay Looc, Mandaue City. Nadawat ang alarma alas 5:21 sa hapon, nakontrolar alas 7:07 sa gabii, ug na-fire out alas 7:33. Ang sunog gipaubos sa ikatulong alarma samtang nagpadayon pa ang imbestigasyon.
Nasunog usab didto sa Barangay Tabok, Mandaue City, pagka gabii. Wala pa nasuta ang hudaghanon sa mga balay nga nasunog.
Ang BFP nagpadayon sa imbestigasyon sa tulo ka insidente aron masuta ang hinungdan ug masiguro nga dili na kini mausab. (Renante Socia Lada)