Arestado ang 3 ka mga suspetsado human masakmitan ug ₱2,040,000.00 nga balor sa gitoohang shabu sa gihimong joint buy bust operation sa City Drug Enforcement ug Intelligence Unit gipanguluhan ni PLT CHRISTOPHER IRWIN SANCHEZ JR niadtong Oktubre 4, 2024 didto sa Brgy. Quiot ning syudad sa sugbo.
Ang mga suspetsado nailhang sila alyas “HERBS” 31 anyos lalaki residente sa Brgy. Basak Pardo, alyas “SAYA” 34 anyos lalaki, residente sa Brgy. Quiot, ug si alyas “MARI” 34 anyos, usa ka babae ug residente sa Brgy. Quiot ning syudad sa Sugbo.
Nakuha gikan sa mga suspek ang buy-bust money ug nagkadaiyang pakete sa gitoohang shabu nga mukabat sa 300 gramos ang timbang. Kasamtangan nga gipailalom ubos sa kustodiya sa Cebu City Police Office ang mga suspetsado ug nag-atubang sa kasong pagpamaligya ug paghupot ug illegal nga droga ubos sa violation sa Secs. 5 ug 11 Art. 2 of R.A. 9165 o Comprehensive Dangerous Drugs Act of 2002. (Renante Lada and Ting Joe Pepito)
(Source: CCPO)