Misaka na sa 2,078 ang citywide Covid-19 cases sa General Santos City sukad nga miulbo ang pandemiya sa miaging tuig, human madugang ang tulo ka mga bagong mga pasyente.
Sa gipagawas nga case profile sa GenSan-LGU ning Sabado, March 13, gikataho nga lakip sa maong mga newly-reported patients ang:
66 years old male nga taga-Rajah Buayan, Phase II sa Barangay Tambler; 49 years old female nga taga-Purok C sa Barangay Siguel ug 32 years old female nga usa ka overseas Filipino worker, asa residente sa Purok 2C sa Barangay Katangawan.
Alayon niini, padayon ang hugot nga pahinumdom sa City Health Office sa mga residente sa siyudad sa istriktong pagtuman sa gitakdang minimum health standard, sama sa kanunay nga pagsulob sa face mask, face shield ug social distancing sa mga publikong lugar. (John Rey Somido)