Binigyang diin ng Senior Administration Official ng Amerika na walang nakasalamuha si US President Donald Trump na staff member ni Vice President Mike Pence na nagpositibo sa coronavirus disease 2019 (COVID-19).
Ayon sa naturang US official, kanila nang sinuri ang lahat ng mga posibleng nagkaroon ng kontak sa nagpositibong staff ng Bise Presidente ng Amerika at wala aniya sa mga ito si Pres. Trump.
Sinabi ng opisyal na nasa anim ang posibleng nagkaroon ng contact sa COVID-19 patient na ito at nakatakdang sanang bumiyahe kasama ang Vice President ng Estados Unidos.
Pero agad aniyang tinanggal at di na pinasama sa flight ang anim na indibidwal.