Tres mil ka mga katawhan sa Dapitan ug Dipolog nakapahimulos SA AICS

0
9

Mokabat 3,000 ka benepisaryo sa Assistance to Individuals on Crisis Situation (AICS) Program ni Senator Ramon “Bong” Revilla ang nakadawat sa tag P1,000 nga gipahigayon sa Dapitan City Mult-Purpose Cultural and Sports Center, Setyembre 8.

Sa maong programa, nakadawat ang 1,500 ka mga benipesyaryo sa syudad sa Dipolog ug 1,500 benipesyaryo sa Dapitan nga nagkantidad ug ₱1,000 cash assistance ug 5 kls. nga bugas pinaagi sa AICS Program.

Niini, gikalipay sa mga benepisaryo ang pagdawat sa maong ayuda.

Si Senator Bong Revilla kinsa personal nga miabi-abi sa katawhan, ug nagpasalamat kanila sa walay puas nilang suporta ug karon siya mubalik pagserbisyo alang sa tanan.

Siya nagkanayon, “Kahit buhay ko handa kong itaya para sa inyo mga kababayan ko, lalo na sa mga mahihirap nating kababayan”

Niini,  misaad ang maong senador nga mohatag ug dugang 10 million pesos nga budget sa AICS alang sa katawhan sa probinsya sa Zamboanga del Norte.

Samtang gipahibalo usab ni Senator Revilla nga ang mga allowance alang sa  mga magtutudlo nga nagkantidad ug ₱5,000 cash, iya kining gipasaka sa senado ug kini nahimo nang ₱10,000.

Daghan pa ang mga programa ang iyang giduso sa senado alang sa pagtabang sa mga katawhan.

“Umasa kayo na ang inyong lingkod na si Bong Revilla kailanman ay hindi makakalimot, ipaglalaban ko kayo”, panapos ni Sen. Bong Revilla.

Sa laing bahin, adunay gamay nga padula ug pahalipay si Sen. Bong sa pinili nga pulo ka mga benipesyaryo nga nakadawat ug tag P2,000 cash.

Si Eusebio Agodera, taga Barangay Olingan dakbayan sa Dipolog usa sa benepisyaryo sa maong programa ang nakadaug sa maong padula nga nakadawat ug dugang ₱10,000 cash gikan ni Senator Bong Revilla.

(Source: Provincial Information Center ZaNorte Facebook page)

Leave a Reply