CAGAYAN DE ORO CITY- Usa ka organisadong public transport group ang mipadayog sa ilang protesta sa tinguha sa Angkas company ug lain pang duha ka motorcycle companies pag-expand sa ilang serbisyo pag-operar sa syudad sa Cagayan de Oro. Kini tapos miplastar na ang maong kompaniya sa ilang motorcycle-hauling services ning dakbayan.
Matud pa ni Luzminda Lalaine Escobidal, chairperson sa PW Roa Canitan Transport Cooperative nga kon tugtan ang Angkas nga makapadayon sa ilang negosyo ning syudad, maapektuhan niini ang kinitaan sa mga drivers sa pampublikong sakyanan. Gidugang niya nga ilang grupo ang lain pang tulo ka public utility transport groups ang misang-at na sa ilang petisyon sa City Council batok Angkas.
Sa kabahin ni Aminoden Guro, ang regiongal director sa Land Transportation Franchising and Regulatory Board of LTFRB nga mag-agad ra kini sa technical working group sa Department of Transportation sa hukom sa petisyon batok sa motorcycle-hauling services app companies. Nasayran nga una nang giaprobahan sa technical working group ang tulo ka libong units sa pag-operate dinhi sa CdO.
Alang kang Angeline Tham, chief executive officer sa Angkas, nakahimo na sila pagcomply sa tanang requirements nga gitakda sa TWG.