Cagayan de Oro – KAPIN 60 ka mga opisyales ug miyembro sa nagkadaiyang transport cooperatives sa Cagayan de Oro ang misalmot sa gipahigayon nga Risk Management Seminar sa Community Improvement Division, kauban ang Cooperative Development Authority Region 10 ug Philippine Federation of Credit Cooperatives, Agosto 15 ning tuig.
Tumong sa seminar nga ma-edukar ang mga miyembro sa pagdumala ug pag-atubang sa hagit sa pagpapadagan sa kooperatiba.
Atol sa maong aktibidad, gidasig ni CDA-10 assistant regional director Marisa Catubig ang matag miyembro sa coop nga dili pakyason ang kahigayonan nga mosalmot og mga seminar/trainings nga makapalambo sa organisasyon.
Nahimong lecturer sa maong seminar si Mr. David Pajaron, PFCC general manager. Miduyog usab sa maong aktibidad si Councilor Imee Rose Moreno, chairperson sa Committee on Cooperative sa konseho ug Councilor Roger Abaday.
News and photo courtesy of Cagayan de Oro City Information Office