Maayong pagkahagbong sa ubos sa bakilid nga bahin ang Trailer truck nga nagkarga nga mga pinya human nawad-an ug kontrol sa manibela ang driver pasado alas 7:00 sa buntag sa Sitio Pamuhatan, Brgy. Marilog ning siyudad sa Davao.
Sa nakuha nga report sa DXKT-RPN Davao gikan sa Marilog Police Station nasayran nga gikan sa Bukidnon ang Trailer truck nga gimaneho sa driver nga si Langitan Rovermar Saypan, 37 anyos nga taga Mati City, Davao Oriental.
Ang nasangpit nga trailer truck padulong sa sentro’ng bahin  dinhi sa dakbayan, apan pag-abot sa kurbada nga porsyon sa maong lugar , wala na matud pa mi-gana ang preno sa  sakyanan hinungdan nga wala na makontrol pa driver.
Resulta nga mibangga kini sa duha ka poste sa kuryente ug nabira pa niini ang lima ka mga balay. Nakahiagom ug daghanang samad sa kalawasan ang driver nga gidali usab pagdala sa ospital sa mga mirespondeng katawhan sa lugar.
(Source: Marilog Police Station)