Dakpan kagahapon sa gihimong buy-bust operation sa mga personahe sa General Luna Municipal Police Station ang tour guide sa Brgy. 3, Poblacion, General Luna, Surigao del Norte pasado alas 12:00 sa tungang gabie.
Naila ang nadakpan nga mao si KARL REMLIE LOZADA SUBAYNO, 32 anyos, ulitawo, ug lumulupyo sa nasampit nga lugar.
Nakompiskar gikan sa possession ug control sa suspetsado ang musunod nga mga items;
a) usa (1) ka elongated transparent heat sealed sachet sa puti nga powder nga gituohang Cocaine nga mutimbang sa kapin kun kulang usa (1) ka gramo nga aduna’y street price value nga napulo ka libo ka pesos (₱10,000.00) matag gramo;
b) usa (1) ka genuine one thousand peso bill marked money nga aduna’y Serial No. RYO44321 ug napulo (10) ka boodle money nga nakuha gikan sa tuo nga bulsa sa atubangan sa short sa suspetsado;
c) Voter’s ID;
d) usa (1) ka itom nga Huawei cell phone;
e) usa (1) ka white disposable lighter; ug
f) kwatro mil, otso sintos kwarenta’y singko ka pesos (₱4,845.00) sa managlahing denominasyon.
Presente sa body searched mao sila ni Punong Barangay Roel Oraliza, DOJ Representative Jay Uy ug usa ka representante gikan sa media.
Ang nadakpang suspetsado temporaryong gidetiner sa General Luna MPS ug mag-atubang sa kasong paglapas sa Seksyon 5 ug Artikulo II sa Akta Republika 9165.
Si Subayno bag-ong na-identify nga illegal drug personality ug gikonsiderang SLI kon Street Level Individual. (Jun Prex Salubre, Ronda 6 RPN DXKS)