Nadakpan sa kapulisan ang usa sa Top 4 Most Wanted Person sa Central Visayas, usa ka 22-anyos nga lalaki nga residente sa Barangay Kinasang-an, Cebu City. Siya nasikop sa usa ka operasyon sa J. Luna St., Barangay Mabolo, niadtong Marso 24, 2025.
Sumala sa imbestigasyon, ang akusado gipasakaan og kasong Murder ubos sa sala sa RTC 7th Judicial Region Branch 5, Cebu City, nga giisyu niadtong Pebrero 28, 2025. Ang warrant of arrest nga gipagawa alang kaniya walay pyansa nga girekomendar.
Ang pagdakop gipangunahan sa usa ka joint operation sa mga yunit sa kapulisan, lakip ang Mabolo Police Station 4, Regional Intelligence Division (RID) 7, City Intelligence Unit (CIU) sa Cebu City Police Office (CCPO), ug Criminal Investigation and Detection Unit (CIDU) sa CCPO.
Ang kapulisan nagpadayon sa ilang kampanya batok sa kriminalidad aron mapalig-on ang seguridad ug kahapsay sa rehiyon. (Renante Socia Lada)
(Source: CCPO)