El Salvador City, Misamis Oriental – Usa ka most wanted person ang nasikop sa mga awtoridad sa gipahigayong operasyon sa Zone-2, Brgy. Poblacion, El Salvador City mga alas 2 sa hapon niadtong Marso 4, 2025.
Ang El Salvador CPS Tracker Team, ubos sa pagpangulo ni PLTCol Patrick Baja Dalangin, nanguna sa pagpatuman sa warrant of arrest batok sa mga akusado. Apil usab sa operasyon ang mga personnel sa Misamis Oriental PIT ug RIU 10, ubos sa pagdumala ni PLTCol Raad O Lapura.
Ang akusado adunay pending nga duha ka kaso—Rape (CCNO. R-CDO-25-00123-CR) nga walay girekomendar nga piyansa ug Lascivious Conduct ubos sa Sec. 5(B) sa R.A. 7610 (CCNO. R-CDO-25-00126-CR) nga adunay piyansa nga P200,000. Ang warrant giisyu ni Judge Ali Joseph Ryan Chiong Lloren sa RTC Branch 37, 10th Judicial Region, Cagayan de Oro City niadtong Pebrero 26, 2025.
Sa pagkakaron, ang akusado anaa sa kustodiya sa El Salvador CPS alang sa tukmang disposisyon.