- Advertisement -
Nalukatanen para ti publiko ti Laoag City Commercial Complex kalpasan ti pannakalockdown na gapu ti kinaado ti naakaran ti COVID-19 nga aglaklako ken agpapaay iti tiendaan.
Kuna ni Mayor Michael Marcos Keon a pinirmaannan ti Executive Order No. MMK-079 S 2020 a mangibilbilin ti pannakaibabawin ti Lockdown ti tiendaan iti kangitingitan ti General Community Quarantine.
Numan pay kasta inlawlawag ni Keon nga adda naiyetnag a pagalagadan ken pagannurutan pakaseknan ti operasyon ti tiendaan.
Dinawat ti Mayor ti Kooperasyon ti tunggal maysa tapno masalakniban ti bagbagi dagiti aglaklako ken aggatgatang kontra ti Virus. (OIC Rod Sadian, RPN DZRL Batac)
(Source: LGU Laoag City)
- Advertisement -