Cagayan de Oro – Nagpahigayon og joint operation batok colorum/unregistered trisikad ug side car ang Task Group Demolition Movable Action Team sa syudad ug Barangay Carmen uban sa barangay traffic enforcers, mga tanod ug opisyales sa Barangay Carmen pinangulohan ni Punong Barangay Raineir Joaquin `Kikang’ Uy Lunes, Agosto 5.
Makita nga daghang mga trisikad ug side car ang nagbiyahian sulod sa Barangay Carmen ug nasuta nga ang uban niini mga colorum ug wala narehistro sa barangay.
Sa maong operasyon, duha ka trisikad ang na-impound ug gi-turnover sa barangay alang sa safekeeping ug verification.
Samtang siyam (9) ka citation ticket ang na-issue sa mga personahi sa Roads and Traffic Administration (RTA) batok sa uban nga nakalapas sa balaod trapiko.
Gihingusgan ni PB Kikang nga mas mapahapsay ug mapalambo pa ang sitwasyon sa Barangay Carmen ilawom sa iyang pamunuan uban sa suporta sa syudad sa administrasyon ni Mayor Rolando `Klarex’ Uy.
News and photo courtesy of CIO CDO