Gitakda na karong adlaw’ng Huwebes ang “tentative schedule” sa pagbakuna sa mga media practitioners sa General Santos City, nga lakip sa A4 priority group kon mga essential workers.
Matod pa ni City Public Information Officer, Rombel Catolico, kasamtangan nang gihan-ay ang masterlist sa maong mga makadawat sa libreng bakuna batok sa coronavirus.
Dugang pa ni Catolico, ilahang gitan-aw karon ang paggamit sa Johnson and Johnson brand sa bakuna alang sa maong sektor.
Kahibaluan nga mismong si vaccine czar, Sec. Carlito Galvez na ang nagmando sa Department of Health-Region 12 nga sugdan na ang rollout sa bakuna alang sa A4 category, apan magsugod una sa 40-anyos pataas nga age group.
(John Rey Somido, photo courtesy of GenSan LGU)