Gidayeg ug gipasalamatan ni konsehal Teodulfo Lao Jr., chairman sa komite sa public utilities, ang Task Force Hapsay Kable ubos sa pagdumala ni Director Ted Buenavista, regional director sa National Telecommunications Commission (NTC) sa daling aksyon pagtangtang sa mga nagbitay nga dead wires diha sa dalan Fernandez – San Agustin Streets, Pabayo ug Tiano Brothers streets sakop sa Barangay 1 nga giingong delikado sa mga lumalabay ug mga motorista.
Nasayran nga nagpakitabang si kapitan Anthony Abejuela ni konsehal Lao kabahin sa maong nagbitay nga mga kable ug wires ug dayon kining giduso ngadto sa Task Force.
Nunot niini, personal nga gipasidunggan ni Lao si director Buenavista sa dali niining pag-aksyon alang sa tiunay nga pagserbisyo sa katawhan. (Sangguniang Panlungsod – CdeO)