Cebu City – Gipatuman karon sa Syudad sa Lapu-Lapu ang “targeted lockdown” dungan sa hangyo ni Mayor Junard Chan sa konseho sa Dakbayan nga mopalabang ug ordinansa pag hatag ug pundo sa activity alang sa pagpakigbatok sa nagsaka nga kaso sa Covid.
“And I hope and I pray that the council will approve that budget or else daghan ang mangamatay sa Lapu-Lapu,” matod ni Mayor Chan.
Ang konseho sa Syudad sa Lapu-Lapu, sa ilang regular Session, Huwebes, mipasar sa P43.985 million ordinance nga “unexpected fund of the Local Disaster Risk Reduction Management Fund Investment Plan (LDRRMFIP).
Kini human gipasabot ni City disaster czar Nagiel Banacia ang sakop sa konseho kun unsahon pag gamit ang pundo alang sa pag tubag sa nagsaka nga kaso sa syudad.
Ang nagsaka nga Covid cases maoy nag aghat sa Inter-Agency Task Force for the Management of Emerging Infectious Diseases (IATF-EID) nga gibutang ang syudad sa Modified Enhance Community Quarantine (MECQ) sugod pagka Agosto 1, 2021.
Niadtong Agosto 5 hangtud sa Agosto 11, ang City Health Office (CHO), nitala ug “three-digit” nga daily Covid case, gawas lang pagka Agosto 8, nga dunay 69 ka mga bag-ong kaso.
Sa pagpasar sa maong kantidad, si Chan nagkanayon nga gamiton alang sa pag abli ug dugang isolation facilities, personnel protective equipment (PPE) sa mga frontliners; pagkaon sa mga frontliners ug sa isolations facilities ug mga pamilya nga apektado sa lockdown.
“That’s the reason why there is an urgency in that request, kay kung dili na ma-approve ma-low morale ang atong mga frontliners,” pasabot sa mayor.
Giduso sa mayor ang iyang request niadtong Agosto 5, apan ang City Council mi defer niini, kay gitakda ang pagtuki sa misunod nga session, pagka Agosto 12, ug gi imbita ang pangu sa City Disaster Head.
Kabahin sa mas istriktong community quarantine, alang sa mayor nga mo totok kini sa particular nga target nga maoy i lockdown.
“We cannot afford a lockdown (of the entire city), the City has no more funds. Probably we’ll make a lockdown, on certain areas nga dunay COVID cases,” gipahibaw ni Chan, kinsa midugang nga ang syudad mo provide ug pagkaon sa apektado.
Sigon pa sa mayor nga dunay areas nga gipa ubos na sa lockdown, hinungdan nga ang chief executive mihangyo sa konseho ug pondo alang niining Covid-related activities.
Samtang sa P6.576 million nga kantidad alang sa 100 ka mga computers ug 15 ka mga printers nga gi request sa mayor, pinaagi sa Information Technology (IT) office, tipik lang ug dili tanan ang gi approve sa konseho.
Sa kinatibuk-ang kantidad nga gi request, ang konseho mi approve lang ug P2.976 million ordinance alang sa pagpalit ug 40 ka mga computers ug 15 ka printers.
Ang kantidad gikuha gikan sa PAGCOR funds.
Gipasabot ni Louie de los Santos, IT Head nga ang maong mga computers gamiton kini sa lima ka mga vaccination sites sa dakbayan. (Jhon Tadlip)
(News & photos courtesy of Lapu-Lapu City Public Information Office)