Maysa nga aksidente ti Napasamak iti Batac-Paoay Road, Barangay Tabug, Siudad ti Batac, Ilocos Norte.
Ti aksidente ket panagdinnungpar tallo a motorsiklo: maysa nga Aerox a minaneho ni Clyde Christian Bigorni, agtawen iti 30 (Tallo nga Pulo) ken residente iti Barangay Ablan; maysa nga Euro 125 a minaneho ni Joey Cadiang, 44 (Uppat a pulo ket uppat ti tawenna, a kaduana ti backride-na a ni Clifford Paga; ken maysa a traysikel a TMX 155 a minaneho ni Julius Patrono, a naglaon ti plate number a SV BATAC 104, agtawen iti 29 (Duwa na ulo ken syam) ket residente iti Barangay Mabaleng. Basar iti inisial nga imbestigasyon, bayat ti panagdaliasat ni Bigorni iti daya a direksyon iti Batac-Paoay Road, ginandatna ti ag-overtake ngem aksidente a nadungparna ti motorsiklo ni Cadiang.
Gapu iti daytoy, naawanan ti kontrol ni Bigorni ket nadungparna ti nakaparada a traysikel ni Patrono sakbay a nadungparna ti poste ti koriente. Napukaw met ti kontrol ni Cadiang ket natnag iti kalsada.
Dagus a nagresponde dagiti paramedics manipud iti CHO ken BFP tapno maiyeg dagiti nasugatan iti Mariano Marcos Memorial Hospital and Medical Center (MMMH&MC). Daksanggasat ta indeklara ni Bigorni a dead-on arrival (DOA) babaen ti doktorna a ni Dr. Ulysses Gaygay idi agarup 11:46 PM, idinto a nagsagaba laeng ni Paga iti babassit a garaw. Saan a nasaktan ni Cadiang. Iti agdama, amin a lugan a nairaman ti aksidente ket adda iti kustodiya ti Batac City Police Station para iti maiyannatup nga imbestigasion ken disposision. Saan pay a naikeddeng ti dagup a gastos iti pannakadadael dagiti lugan.
Agtultuloy nga ipalagip dagiti autoridad kadagiti umili nga agtulnogda kadagiti linteg ti trapiko tapno maliklikan daytoy a klase ti trahedia.