Cagayan de Oro City – Pito na ka bulan sukad ang syudad sa Cagayan de Oro mipailawom sa quarantine ug dugtong niining nagkataas nga kaso sa Covid-19 matag adlaw, gisugilon ni Mayor Oscar Moreno nga dili kini karon ang panahon alang sa mga kagay-anons nga mo-give up batok sa pandemya. Gipasabot ni Mayor Moreno sa usa ka press briefing nga samtang kanunay debatihan kon unsay buhaton, unsa nga mga programa nga ipatuman, ang medical personnel ug mga frontliners ang gipangkapoy na usab apan wala sila mo-give up, busa angayan nga kita susama kanila, dili usab maluya sa pagpakigbisog batok Covid.
Sa pikas bahin, gikalipay sa mayor ang pagtuman ug pagsunod sa katawhan sa mga programa sa City Hall sama sa pagpaconfine sa isolation units sa City Hall inay nga kini sa balay pagahimuon gawas sa pagsunod usab sa minimum public health standards sama sa pagpuyo sa balay, physical distancing, wearing of face masks ug face shields ug hand disinfection.
Sa iyang kabahin, si Dr. Ramon Nery, ang chief sa JR Borja General Hospital nanawagan sa mga kagay-anons nga tabangan sila pinaagi sa pag-amping sa matag-usa ka kaugalingon. (City Information Office)