Cagayan de Oro – Mamahimo na karon nga mapahimuslan sa mga kaigsoonang Muslim diri sa Pilipinas ang bag-ong financial insurance sa nasud. Kini nga insurance, gitawag nga Takaful o Islamic Insurance, usa kini ka Shari’ah-compliant nga porma sa insurance nga bag-o lang gipaila sa Pilipinas nga naka- base sa balaodnon ilawum sa Republic Act No. 11439 o An Act Providing for the Regulation and Organization of Islamic Banks nga gi-regulate sa Insurance Commission (IC).
Kini usa ka hiniusang garantiya diin ang mga naghupot sa polisiya nakigbahin sa kita ug sa pamuhunan o investment. Ang Takaful gipaila-ila sa Pilipinas aron mapalambo ang pinansyal nga paglakip sa populasyon sa Muslim sa nasud, nga gibanabana nga mokabat sa 7 ka milyon ka mga tawo.
Hisayran nga ang mga Muslim sa kasaysayan wala giserbisyuhan sa naandan nga mga serbisyo sa banking ug insurance busa nga gimugna ang maong balaudnon.
Kini usab mapahimuslan dili lamang sa mga kaigsoonang Muslim apan sa tanang mga Pilipino.
Niadtong nakalabayng November 4, 2024, ang Pru Life U.K. naghimo sa kasaysayan isip pinaka-unang nakakuha lisensya sa Takaful gikan sa Insurance Commission. Ug alang sa konkreto nga operasyon niini, sila nakig-alayon sa mga nasud sa Malaysia ug Indonesia kauban ang ilang Prudential affiliates nga maoy unang mi-establisar niini.
Written by Cheleste Simene
Photo courtesy of Pru Life U.K. Website