Nagpahigayon og lima ka adlaw nga ‘Diskwento Caravan: Rice Edition’ ang Department of Trade and Industry-Misamis Oriental (DTI-MisOr) kauban ang Cagayan de Oro City Price Coordinating Council (CDO-CPCC) nga gipangulohan ni Mayor Rolando `Klarex’ Uy.
Ang caravan nagsugod adlaw’ng Lunes, Septiyembre 11 ug matapos karong Biyernes, Septiyembre 15 diha sa city hall mini-park, diin mapalit ang well-milled rice (Princess Bea) sa tag-P43 ngadto P45 lang matag kilo.
Apan gipasabot ni CPCC co-chair Atty. Jose Edgardo Uy nga lima lang ka kilo ang mapalit sa matag mamalitay aron mas daghan pa ang makapalit sa maong barato nga bugas nga gitanyag sa DTI ug city hall.
Gani, gihugupan sa katawhan lakip na mga empliyado sa city hall ang maong kahigayonan.
News and photo courtesy of CIO CDO