Arestado sa mga tinugyanan sa kapulisan an 26 anyos na babaje human kaso sa Sec. 10 (a) sa RA no. 7610 kon Child Abuse. Nahitabo an pag aresto jadton adlaw’ng Sabado sa Borromeo kanto San Nicolas St., Brgy. Taft, SC sa alas 11:51 sa buntag.
Nakilay.an an akusado nga si Michelle Durero Dumale, residente sa Purok 6, Brgy. Canlanipa, SC.
An akusado an may Warrant of Arrest ubos sa criminal case no. 15795 nga gi.isyu ni Hon. Jacqueline J. Ongpauco-Cortel, Presiding Judge sa RTC Branch 29, Surigao City, pinetsahan Oktubre 29, 2021 nga may girekomendar nga piyansa kantidad P80,000.00 ka pesos para sa ija temporaryong kagawasan.
Sa pagka kuman an akusado an jaon sa kustodiya sa Surigao City Police Station. (Mark James Lisondra)