Pilar, Surigao del Norte – Nadakpan sa mga personahe sa Pilar MPS an Wanted sa kasong Frustrated Murder kagahapong adlawa.
Giila ni PCOL Laudemer M. Laude an akusado na 44 anyos na layaki, mag uuma, residente sa Barangay Punta, Pilar, Surigao del Norte.
An akusado an may criminal case no. 24-37 na gi.isyu sa Regional Trial Court (RTC) 31, 10th Judicial Region pinetsahan Marso 14, 2024 na jaoy girekomendar na piyansa sa kantidad P200,000.00.
Sa imbestigasyon sa Pilar MPS, an akusado, iban an laing suspek nakahimo ug krimen jadton Nobyembre 26, 2023, sa Barangay Jaboy, Pilar, Surigao del Norte, na an biktima isa ka 48 anyos na mag-uuma.
Samtang nagbaktas an biktima pasingod sa ija umahan aron magpa sibsib sa ija mga kabaw, duha ka tawo an nigukod sa ija sakay sa isa ka motorsiklo na wayay igong rason an back rider giingong nipusil sa biktima gamit ang waya matino na kalibre sa armas na naigo sa wayang bahin sa ija likod.
Naka jaganban biktima apan padajon sija gigukod ug gipusil sa suspek sa makadaghang higayon.
An dinakpan jaon sa kustodiya sa Pilar Municipal Police Station alang sa tukmang disposasyon. (Mark James Lisondra)