Surigao del Norte – Nadakpan sa mga personahe sa Claver MPS an walo ka indibidwal human gilusad an Anti-Illegal Gambling operation kagahapong adlawa.
Si Provincial Director, Police Colonel Laudemer M Laude, niila sa upat ka mga suspek na isa ka 62-anyos na lalaki, minyo, taga Purok 2, Barangay Ladgaron lungsod sa Claver; isa ka 51-anyos na lalaki, minyo na taga Purok 3, Barangay Bagakay, lungsod sa Claver; isa ka 63-anyos na layaki, minyo, taga Purok 5, lungsod sa Ladgaron Claver; ug isa ka 47-anyos na layaki, minyo, residente sa Purok 2, Barangay Ladgaron lungsod sa Claver.
Nasikop sa mga personahe sa Claver MPS kining upat ka mga suspek tungod sa paglapas sa PD 1602, nasakpan sa akto na naglambigit sa ilegal na sugal nga gitawag og “Mahjong,” kagahapon sa mga alas 4:00 sa hapon.
Atol sa operasyon, nasakmit sa mga operatiba sa kapulisan an isa ka set sa mahjong ug bet money na mokabat sa Php 600.00 sa lain-laing denominasyon.
Sa laing bahin, nasikop sa mga operatiba sa Surigao City Police Station an sa ka 36-anyos na layaki, ulitawo, residente sa Purok 3, Barangay Mat-I, Surigao City, ug isa ka 32-anyos na layaki, ulitawo, ug residente sa Purok-2, Barangay Mabini, Surigao City.
An mga suspek nalambigit sa ilegal na sugal na gitawag ug “Tare-tare” mga alas 12:00 sa udto kagahapon sa Sitio File, Purok 11, Barangay Mat-I, Surigao City.
Nasakmit atol sa operasyon an duha ka patay na pansabong na manok, unom ka buhi pa na pansabong na manok, isa ka gaff, ug pusta na nagkantidad ug P800.00.
Dugang pa, sa lungsod sa Dapa, duha ka 17-anyos na mga menor de edad an nadakpan tungod sa pagkalambigit niini sa sugal mga alas 3 sa hapon kagahapon human nasakpan sa akto na naglambigit sa ilegal na sugal na gitawag ug “Tare-Tare”.
Atol niini na mga operasyon, nasakmit sa mga tinugyanan sa balaod an isa ka samaran na manok ug kwarta na nagkantidad ug Php 500.00 sa lain-laing denominasyon.
Bisan pa sa hiniusang paningkamot sa pulisya, lima ka mga tawo an nakasibat sa pagkasikop.
Kasamtangang gitanggong sa ilang tagsa-tagsa ka mga apprehending station an mga dinakpan samtang nagpaabot sa pasakaan ug tukmang kaso.
An mga menor de edad na suspek gi-turnover na sa Women and Children Protection Desk (WCPD) sa nasangpit na estasyon alang sa dugang legal na mga kaso. (Mark James Lisondra)