Nakpan sa mga tinugyanan sa kapulisan an upat ka mananagat gumikan sa paglapas sa Section 92 ug Section 101 sa RA no. 10654 kon Illegal Fishing with use of Cyanide.
An mga suspek isa ka 29 anyos nga layaki, menyo, residente sa Purok-1, Barangay Salog; 27 anyos nga layaki, menyo ug 22 anyos nga layaki, ulitawo, sila tanan residente sa Purok-1, Barangay Sering lungsod sa Soccoro ug 20 anyos nga layaki, residente sa Purok-3, Barangay San Carlos, Dapa, Surigao del Norte.
Sila nadakpan mga alas 4:00 sa kadlawon kagahapong adlawa sa Sanctuary Water sa Cambanday Islet, Barangay Caub, Del Carmen nga diin sila nasakpan sa akto nga nagpahigayon nan illegal nga pagpangisda.
Nasakmit sa posisyon sa mga suspek an upat ka roll nga hose sa kapin kon kuyang 60 metros an katas.on; isa ka set nga air compressors; duha ka Spear Guns; duha ka goggles; duha ka flashlights; isa ka paddle; isa ka plastic bottle nga may suyod nga cyanide substances; ug duha ka boxe sa Styrofoam nga may suyod nga assorted fish sa kapin kon kuyang more 8 kilos sa kantidad P1, 600.00; ug isa ka motor pump boat, color green lakip an duha ka Yamada 10HP engines sa kantidad P60,000.00.
An mga nadakpang suspek an jaon kuman sa Del Carmen MPS ug Dapa MPS. (Mark James Lisondra)