An gihingusgan nga anti-illegal drugs operations sa Police Regional Office (PRO)13 miresulta sa pagkakumpiska sa P157,760.00 nga kinatibuk-ang kantidad sa gituohang shabu ug pagkasikop sa unom suspek, gilangkuban sa duha ka High-Value Individuals (HVIs) ug upat ka Street-Level Individuals.
Si PBGEN ALAN M NAZARRO, PRO13 director, nitaho nga sa Butuan City, nagpahigayon ug buy-bust an Drug Enforcement Unit sa Butuan City Police Station 2 iban sa Philippine Drug Enforcement Agency sa Brgy. Obrero mga ala 1:00 sa hapon kagahapon, diin P136,000.00 nga kantidad sa shabu an nasakmit gikan sa dinakpan nga HVI.
Gipahigayon ulisab an managlahing operasyon sa Brgy. Tandang Sora, Butuan City; Brgy. Bayugan 3, Rosario, Agusan del Sur; Brgy. Taft, Surigao City; ug Brgy. Purisima, Tago, Surigao del Sur diin mokabat sa P21,760.00 an kinatibuk.ang kantidad sa ilegal na drugas an nasakmit gikan sa lima ka mga suspetsado.
Kasong paglapas sa RA No. 9165 o Comprehensive Dangerous Drugs Act of 2002 an giatubang sa tanang dinakpan.
(Mark James Lisondra)