Nagmalampuson an duha ka adlaw na TUPAD payout ubos sa programa sa Department of Labor and Employment pinaagi sa tabang ni Congressman Bingo Matugas na mapangajo an pundo gikan ni President Ferdinand “Bongbong” Marcos Jr. ug ni House Speaker Ferdinand Martin Romualdez.
Unom ka munisipyo sakop sa Siargao Islands an nakatagamtam nan tabang pinansyal na diin 71 sa Burgos, 108 sa Sta. Monica, 500 sa San Benito, 950 sa San Isidro, 600 Pilar ug Del Carmen.
Si Congressman Bingo Matugas mipadayag sa ija mensahe na an maong tabang pinansyal deretso madawat sa mga beneficiaries.
Dugang pa sa Congressman na dili ini an katapusan hugna sa pagpanghatag nan hinabang ug sa sunod na mga payout laing grupo na isab an maadawat.
Dako isab na kalipay ni Jelbert Pomoy isa sa mga beneficiaries human nakadawat kung diin dako ini na tabang para sa ila.
(Mark James Lisondra)