Isa ka Sustainable Livelihood Program Municipal Wide Project Turnover an malampusong napahigayon sa Department Social and Welfare Development Office sa municipal gym sa General Luna.
An maong programa gisuportahan ni Congressman Bingo Matugas, lokal na mga opisyal sa General Luna sa pagpanguna ni Mayor Sol Matugas iban sa presensiya sa mga personahe sa DSWD Caraga Region na amo an misaksi sa seremonyas na diin unom ka kooperatiba an naka benepisyo sa maong programa.
An unom ka mga kooperatiba nga nakadawat nan sustainable livelihood program sa kantidad P600, 000.00 kada isa amo an Cabitoonan SLP Association, DACOPA SLP Association, La Januza SLP Association, Sta. Fe SLP Association, Suyangan SLP Association ug Tawi-Tawi SLP Association.
Sumaya pa ni Congressman Bingo Matugas atubangan sa mga kooperatiba nga jaoy ija idugang na pundo sa kantidad P20 milyones ka pesos para iapod-apod sa nagkalaing-lain na mga kooperatiba.
Dugang pa ni Congressman Bingo Matugas na madungagan isab an capital para mas mopalambo pa an negosyo sa matag kooperatiba.
Personal isab mitambong kagahapong adlawa atol sa Sustainable Livelihood Program Municipal Wide Project Turnover sila ni Vice Mayor Romina Sajulga, ug mga lokal na opisyal sa General Luna agig pag suporta sa maong turnover ceremony. (Mark James Lisondra)