Arestado sa mga personahe sa CIDG sa pagpanguna ni PLTCOL Jassen Tuario an unom ka mga indibidwal hampan at large an duha sa gipahigayon na raid jadton adlaw’ng Martes sa Purok 4, Brgy. Togbongon ug sa Brgy. Rizal, ning atong dakbayan.
An maong operation pinasikad sa Search Warrant nga gi-isyu sa korte nga diin nakilay-an an mga nadakpang suspek nga sila:
Yuan Shiwen, 37 anyos na layaki
Ma Li , 48 anyos na layaki,
Ma Jiandong, 52 anyos na layaki,
Lui Yuming, 43 anyos na layaki,
Lui Xiaoping, 63 anyos na layaki
Ma, Zhonghu, 66 anyos na layaki
Sila tanan residente sa Hunan, Province of China hampan at-large sila Nick So ug Paul Jake Castillo.
Nakompiskar sa posisyon sa mga suspek an 38 ka mga butang sa pag proseso sa mga minerales.
Nasakmit isab an Isa ka unit na 9mm pistol na may serial no. AGVL856; Tuyo ka magazine sa 9mm pistol; 20 kabuok bala sa 9mm pistol; duha ka sling bag; Isa kabuok wallet; Isa plastic storage box; napuyo ka CCTV; isa ka unit na laptop; tuyo ka mouse; duha ka extension wire; duha ka unit na night vision led monitor; isa ka unit na huawi cellular phone; isa ka unit na digital video recorder; isa ka unit na network video recorder; duha ka unit na port poe; Assorted Charger; isa kabuok laptop.
Sumaya pa ni PLTCOL Tuario nga isa ka Chinese National nga ginganlan ug Charlie Ong an nagpalujo sa maong pagmina sa Brgy. Mabini.
Kahinumduman nga una nang nagpagawas nan Cease and Deases Order an Mines and Geo Sciences Bureau kon MGB jadton Setyembre 2024. Mag atubang sa kasong paglapas sa Sec. 55 sa RA no. 7942 kon Philippine Mining Act of 1995. Sa pagka kuman an mga nadakpang Chinese National an jaon sa kustodiya sa CIDG Surigao del Norte Provincial Field Unit.
News and photo courtesy: Mark James Lisondra