Andam na an ipahigayon na SUR50 Ultra Marathon silom adlawa na magsugod sa alas 11 nan duyom sa Sabado, Abril 29, 2023 sa may Surigao City Hall.
Gipahayag ni Atty. Israel Guma, President nan Surigao Ultra Runners na tungod sa kapasò kuman sa temperatura, an gun start sa 50 kilometers Ultra Marathon sugdan na sa alas 11 nan duyom gikan sa original schedule na alas 12 sa tungang gabii.
136 runners an nakaregister sa cut off date, diin may 62 an mojagan sa 50 kilometros samtang 74 an mojagan sa 25 kilometros.
An 25 kilometers half ultra marathon magsugod sa alas 3 sa kaadlawon sa Dominggo, Abril 30, 2023.
Tagbutyag na ini na an 3rd edition sa ultra marathon na tagpasiugdahan sa Surigao Ultra Runners. An mga entry naggikan sa lain laing mga runners sa Davao, Leyte, Cebu and Luzon.
An turning point sa 50 kilometers adto sa Balite, San Francisco.
Sa pagpasabot ni Race Director Roniel Cuizon, alang sa 50 kilometers Champion, may papremyo na 7,000 pesos sa mga layake sanan mga babae. Samtang an 25 kilometers may papremyo na 5,000 pesos (RPN DXKS Surigao)