Nadakpan an tuyo ka suspetsadong layaki human kini nalambigit sa illegal na sugal na tong-its didto sa Purok 6, Brgy. Mabua, SC sa alas 3:20 nan hapon kagahapong adlawa.
Nakilay.an an mga suspek nga sila ni Jesspol Degamon Talledo aka “Popol”, male, 24 anyos na layaki, may live partner, mananagat/laborer; Alven Benitez Fuertes aka “Alven”, 24 amyos na layaki, ulitawo, estudyante; Wilfredo Nantona Matin-ao aka “Pedo”, 24 anyos na layaki, ulitawo, mananagat/laborer, sila tanan residente sa nahisgutang lugar.
Sa imbestigasyon nasayran nga inin mga suspek gisumbong sa isa ka concern citizen nga duwa nan tong-its na may pustahay.
Nasakmit sa ilang posisyon an isa ka set na baraha ug gipusta na kwarta sa kantidad P369 ka pesos sa nagka laing-lain nga denominasyon.
Pasakaan ug kaso sa PD1602 an mga suspek ug jaon kuman sa kustodiya sa Surigao City Police Station. (Mark James Lisondra)