Gipahigayon ang orientation sanan pag perma sa mga kontrata sa 45 ka mga mag-uuma o an first batch na mga napili na benepisyaryo nan Tulong Panghanapbuhay sa Ating Disadvantaged / Displaced Worker (TUPAD) Program.
An mga mag-uuma na gikan sa mga nagka lain-laing barangay na sakop sa siyudad, makadawat nan P385 kada adlaw o P5,775 suyod sa kinse ka-adlaw na trabaho sa mga irigasyon nan siyudad.
Ni tambong sa maong orientation si Public Employment Service Office (PESO) Manager Arciacel Lagrama kaiban si Acting City Agriculturist Amelita N. Dela Cerna.
Naghatag sab nan orientation ang Surigao del Norte Department of Labor and Employment (DOLE) para sa mga benepisyaryo na gipangunahan ni TUPAD Coordinator Reeven John Sapalaran sanan Jose Maria De Guzman.
An Ini na programa gikan sa DOLE, mu-total sa P1.1 million para sa total na 205 ka mga benepisyaryo.
Ang mga benepisyaryo 44 ka Badjao sa Huy-anan Nan Badjao Project, 80 ka mga mag-uuma (apil an 45 ka mga mag-uuma sa first batch), sanan 81 ka mga Pantawid Pamilyang Pilipino Program o 4Ps.
An TUPAD usa ka community-based program nan DOLE nga naghatag og temporaryong trabaho sa mga trabahante o mga lumulupyo nga naapektohan sa krisis o mga katalagman. (Mark James Lisondra)