Nasinati an makusog na hangin dinhi na sa dakbayan daya na sa bagyong Maring human napailayom an dakbayan sanan lalawigan nan Surigao sa Signal No.1. Tungod niini pipila ka mga punuan an natumba.
Pinaagi na City Disaster Risk Reduction and Management Office (CDRRMO) sa pagpanguna na ni Mr. Threlcie Villaces, dali nga gipan respondihan an amo na mga panhitabo para dili maka palga sa dagan sa trapiko sanan dili maka apekto sa mga kadayanan. Mismo isab si City Mayor Estong Matugas iban ni Konsehal Mario Gesta ang mi superbisa sa gihimo na clearing operations sa team ilabina ang natumba nga dakung punuan sa mangga sa may Navarro St., sa may boulevard ug uban nga bahin sa syudad.
Samtang, wayay naitala nga namakwit sanan mga naapektohang kinabuhi sa amo na bagyo. Gilibkas na isab sa PAGASA ang storm warning signal sa dakbayan sanan lalawigan samtang balik byahe na sa mga sakayang pandagat sa pagtugot nan Philippine Coast Guard.
(Source: SurigaoCity Pio Facebook page)
