Detenado kuman sa Surigao City Police Station an isa ka tricycle driver ug isa ka janitor sa gikasa nga drug buy-bust operation kagaina sa ala 1:20 sa kadlawon sa may Baybay Parola, Brgy. Taft, Surigao City.
Nskilay.an an mga suspek nga sila ni Bobby Luminarias Duhaylungsod, alyas “Moklo”, 33 anyos, tricycle driver, lumad nga taga Basilisa, Dinagat Province ug kasamtangan nag huya sa Navarro kanto Espina St., Brgy. Taft, Surigao City ug si Arnel Rico Escobal, alyas “Taba”, 32 anyos, janitor, residente sa Navarro kanto Espina St., Brgy. Taft, Surigao City.
An duha ka mga suspek nasakpan sa akto nga namaligya ug illegal nga druga ug narekober sa possession ug control an isa (1) ka gamay nga plastic sachet nga gipalit sa posuer buyer ug upat (4) ka dagkong plastic sachet sa gituohang shabu nga jaoy kinatibuk-ang gibanabanang gibug-aton sa kapin o kuyang 2.15 grams nga jaoy standard drug price value nga P14,600 pesos, isa (1) P1,000.00 nga marked money ug isa (1) ka itom nga coin purse.
An duha suspek ug an mga nakumpiska nga drug ug non-drug evidence an jaon sa kustodiya sa Surigao City PS alang sa tukmang disposasyon.
(Mark James Lisondra)
