Isip paagi sa pagpadayag ug pagpalapad sa Valentines Day, an Coast Guard Station Surigao del Norte pinangulohan ni Station Commander CG ENS JERICK E MAGLANGIT iban sa ija mga sakop nagpasiugda ug mga kalihokan sa pagsaulog sa Valentines Day jadton Pebrero 14, 2024.
An inisyatiba sa pakigtambayayong sa Coast Guard Mobile Team (CGMT) San Francisco, Coast Guard Mobile Team (CGMT) Surigao City ug CGWCEIS-NEM RC.
Sa sinugdan, an nahisgutang PCG units nagpahigayon ug Feeding Program in partnership with 1503rd Philippine Coast Guard Auxiliary (PCGA) Squadron nga girepresentahan ni AUX LT ELLEN KIM O BALO PCGA ug sa Barangay LGU sa Brgy. Taft nga gipangulohan ni Hon. Mario I. Gesta nga nakabenepisyo sa gibana-bana nga 60 ka mga tinun-an sa Silay Hills Child Development Day-Care Center.
An mga benepisyaryo gihatagan ug tam-is nga chocolate rice porridge nga nailhan usab nga “champorado”, mga pan, chocolate candies ug orange juice.
An mga estudyante, ginikanan ingon man ang BLGU sa Brgy. Taft mapasalamaton karajaw sa inisyatiba ug paningkamot sa PCG sa pagsaulog sa Valentines Day diin tataw nga napadayag kini pinaagi sa ilang bililhong pahiyom atol sa kalihokan.
Pagkahuman, an PCG team mipaingon sa Surigao Baseport kaiban an PPA aron paghatag ug serenade sa tanang mga pasahero sa Eva Macapagal Passenger Terminal, Port Area, Surigao City nga gisundan sa pagpanghatag ug mga buyak ug tubig nga mainom.
Samtang, an Coast Guard Sub-Station Lipata mipakaylap isab sa ilang gugma pinaagi sa pagpanghatag og mga buyak sa Lipata Ferry Terminal.
Sa waya madugay, an PCG Team mipadayon sa Surigao City Boulevard diin nahitabo an mga maritime operations niadtong tungora.
An PCG team nihatag isab ug mga pagkaon sa mga indibidwal sa maong lugar. Gipasiugda ni CG ENS MAGLANGIT nga an Valentines Day maoy panahon diin atong ipakaylap an gugma ug karajaw sa mga tawo sa atong palibot ug sa katawhan.
(Mark James Lisondra, photo courtesy by Coastguard Surigao del Norte)