Gidaya sa bayay tambayanan an isa ka driver sa tricycle na may body no. SC-3132 human kini aksidenting na side swiped sa isa ka motorsiklo na gimaneho sa isa ka menor de edad nga nahitabo kagaina buntag sa may Purok-11, Barangay San Juan, siyudad nan Surigao sa alas 11:30 an takna sa buntag.
Nakilay.an tricycle driver nga si Arniel Dorcon Sulima, 46 anyos na layaki, male, menyo ug residente sa Purok-3, Sitio Gayas, Barangay Sabang, siyudad nan Surigao.
Sa inisyal nga imbestigasyon nasayran nga an duha ka mga sakyanan nagsubay sa dayan pasingod sa Surigao City proper.
Pag-abot sa nasangpit na lugar sa may Purok-11, Barangay San Juan aksidenting na side swipe sa motor an tricycle.
Nakaangkot nan damage an duha ka sakyanan ug mga garas. Samdan isab an driver sa tricycle ug gidaya sa Caraga Regional Hospital pinaagi pinaagi sa pagresponde sa mga personahe sa Quick Action Response Team aron sa pagpatambay.
Waya na isab plano mopasaka ug kaso an tricycle driver human nagkasabot an duha ka partido. (Mark James Lisondra)