Nadakpan an isa ka Tricycle Driver sa gilusad nga Drug Buy Bust Operation sa mga personahe sa Drug Enforcement Unit sa Surigao City Police Station sa pagpanguna ni PCpt. Rizar Brian Eublera sa Purok 7, Payawan 2, Brgy. Luna, SC sa alas 12:30 nan hapon.
Nakilay.an an suspek nga si Danilo Vasquez Estoque, alyas “Bunot”, Street Level Individual, 44 anyos, menyo, residente sa Purok 7, Navalca St., Brgy. San Juan, SC.
Sa imbestigasyon nasayran nga an suspek nasakpan sa akto nga namaligya ug iligal nga droga ug narekober sa ija possession an isa ka gamay nga plastic sachet sa suspected shabu gipalit sa posuer buyer, laing 13 kabuok medium size nga plastic sachet sa suspected shabu nga gibana-bana motimbang sa kapinnkon kuyang 2.3 grams sa kantidad P15, 650 ka pesos, P1,000 peso bill gigamit isip marked money, isa ka wallet, cash sa kantidad P1, 800 sa nagka lain-laing denominasyon Philhealth ID ug enevelop nga gamay.
Kasong paglapas sa Articlle 2, Sec. 5 ug Sec. 11 sa RA no. 9165 an atubangon sa suspek ug jaon kuman sa kustodiya sa Surigao City Police Station. (Mark James Lisondra)