Arestado sa mga tinugyanan sa kapulisan an Top 3 Most Wanted na may kasong gi.atubang na Frustrated Murder didto sa lungsod nan San Francisco, Surigao del Norte.
Giila ni PCOL Laudemer M. Laude ang akusado nga alyas “Diding”, 20 anyos, layaki, residente sa Purok-5, Barangay Diaz, San Francisco, Surigao del Norte.
Ang akusado an may criminal case no. 17169 nga gi.isyu sa 10th Judicial Region, Branch 30, Surigao del Norte, pinetsahan Enero 9, 2024 nga may girekomendar nga piyansa sa kantidad P200, 000 ka pesos para sa ija temporaryong kagawasan.
Base sa imbestigasyon sa OIC sa San Francisco, ang krimen nahitabo jadton Septiyembre 29, 2023, sa Barangay Honrado, San Francisco, Surigao del Norte, nga an biktima isa ka 29-anyos nga account officer.
Ang akusado ug ang biktima nag-estorya bahin sa isa ka isyu ug sa dihang ni resulta sa init nga panaglalis ug sa wayay pagduhaduha gidunggab sa akusado sa tijan an biktima.
Ang akusado jaon sa kustodiya sa San Francisco Municipal Police Station alang sa tukmang disposasyon. (Mark James Lisondra)
(Source: SDNPPO)