Naklingkawas sa hulga sa kamatayon ang pamilya Vasquez human gidaro sa pribadong sakyanan ang ilang pinuy-anan.
Tumang kabalaka, kalisang Ang gibati sa pamilya dihang aksedenting gidaro sa awto nga gimanehoan sa pulis officer ang duha ka balay alas 5:30am sa buntag, sa may Km.10, Purok Rosal, Brgy. Quezon, dakbayan sa Surigao.
Nakadisgrasya ang Hyundai Elantra Sedan, nagdala sa plaka numero WQG-435 nga gi-manihu-an ni PMSG Pablo Daohog Cabajes Jr, 42 years old, minyo ug nadestino sa Libjo Municipal Police Station sa Dinagat Island, kasamtangang nagpuyo sa Purok 6, Brgy. Trinidad, Surigao City.
Sa inisyal nga imbestigasyon, nagsubay sa hiway sa KM10 ang sakyan padulong sa Brgy. Trinidad, ning syudad dihang mikurbada si Cabajes ug gisulayan pag-preno ang sakyanan kalit nga nawad-an sa control nga miresulta sa pagkabangga sa duha ka balay tungod sa kakusog sa impak.
Nagusbat ang gate ni Arlene Yagin Reyes, samtang na abhak ang bong-bong ang balay ni Protacio Tinambacan Vasquez. Hinuon gibutyag sa imbestigador nga nagka-sitol lang ang duha ka panig aron bayran ang nahimong damyos sa disgrasya. (Mark James Lisondra)