Dapa, Surigao del Norte – Padajun pa ang hot pursuit operation sa mga personahe sa Dapa MPS batok sa suspek nga hangtod sa pagka kuman at large human nangawat nan kwarta sa kantidad P92, 000.00 ka pesos.
Sa report nga gipagawas ni Police Colonel Ludemer M. Laude ang suspek hingkud ang pangidaron ug residente sa Brgy. 13, Poblacion, Dapa, SDN.
Pasado alas 11:45 sa buntag jadton milabay nga adlaw mitaho ang complainant sa Dapa MPS nga jaoy nahitabong pagpangawat sa Fruit and Vegetable store sa kilid nan highway, Brgy. 12, Poblacion, lungsod sa Dapa.
Sa report nga gipagawas sa Dapa MPS pugsanon giguba sa suspek ang atubangan nga pirtahan sa tindahan. Sa imbestigasyon nasayran nawaya ang kwarta nga gibutang sa cashier area.
Pinaagi sa verification sa cctv footage sa maong tindahan suhito ang suspek hae gibutang ang kwarta ug gikuha ang P92, 000.00 ka pesos.
Sumaya pa ni PD Laude nga ija ng gimando sa mga personahe za Dapa MpS ang hot pursuit operation aron masikop ug atubangon ang salaod batok sa ijang aksyon sa miikyas nga suspek. (Ronda 21 Mark James Lisondra, photo courtesy of Surigao del Norte PPO)