Nadakpan an isa ka street level individual na pusher sa gilusad na drug buy bust operation sa mga tinugyanan sa kapulisan sa Socorro kagahapong adlawa sa Sitio Dagatan, Brgy. Sudlon, Socorro, Surigao del Norte sa alas 4:30 an takna sa hapon.
Nasakmit gikan sa ija posisyon isa ka heat sealed transparent plastic sachet sa suspected shabu na gibana-bana motimbang sa 0.2 gram sa kantidad P1, 360.00 ka pesos pinalit sa posuer buyer; duha ka heat sealed transparent plastic sachet sa suspected shabu ma gibana-bana motimbang sa 0.4 gram sa kantidad P2, 720.00 ka pesos; isa ka P1, 000 pesos bill gigamit isip marked money ug isa ka cellullar phone.
Kasong kalapasan sa Article II, Sec. 5 ug Sec. 11 sa RA no. 9165 an suspek ug jaon kuman sa kustodiya sa Socorro MPS.
(Mark James Lisondra)