Nadakpan sn 34 anyos nga layaki sa gilusad nga drug buy bust operation kagaina sa alas 12:10 sa kadlawon sa may Purok Waling-Waling, M. Ortiz St. Brgy. Washington, Surigao City.
Nakilay.an an suspek nga si Niel Leyran Edillor aka “Nel Bucks” , SLI, ulitawo, wayay trabaho, resident sa nahisgutang lugar.
An suspek nasakpan sa akto nga namaligya ug ilegal nga druga ug dugang nakuha gikan sa ija possession ug control amo an mosunod:
Isa ka gamay nga plastic sachet nga gipalit sa posuer buyer; Upat (4) kabuok medium size plastic sachet sa gituhoang shabu ug Duha (2) kubuok gagmay nga plastic sachet sa gidudahang shabu nga an tanan jaoy kinatibuk-ang gibanabana nga gibug-aton sa kapin o kuyang 2. 5 grams sa kantidad P17,000.00 pesos; Marked money nga P1, 000 pesos bill; Kwarta sa kantidad P450.00 ka pesos ug Iban pang non drug paraphernalia.
Mag atubang sa kasong paglapas sa article 2, Sec. 5 ug Sec. 11 sa RA no. 9165 an suspek ug jaon kuman sa kustodiya sa Surigao City Police Station. (Mark James Lisondra)